[ندعوك للتسجيل في المنتدى أو التعريف بنفسك لمعاينة هذه الصورة]تعال إنته يللي شفتك عمري الباقي
.............فيني مشاعر حب تبغى تحييك
تعال عشان ارتب لك الفوضى وأوراقي
............وعشان اسمعك قصيدٍ كاتبه فيك
تصدق من سمعت صوتك إحساسٍ بأعماقي
............تمنيت عاد بهالوقت إيديني بأياديك
وزاد الدق بقلبي نبضٍ يفضح أشواقي
............أخاف من كثر شوقي أهاجر الكل واجيك
تعال ياهنا الدنيا ابمحي همي الشاقي
............ترى اشفى من جروحي بشوفك وطاريك
أبد مابلقى زي حبك ولامثلي بتلاقي
............حبك راضيه عنه وحبي ترى بيرضيك
عجزت اصبر عن الهم ونا اللي متحدي اعواقي
............ولكن محال ارحل عن ديارك واراضيك
انا حبي إلك نادر ومن نوع فخم راقي
............وقلبي له ابوابٍ خاصه مثل/الاوتوماتيك
مايفتح إلا لحبك واعطاه العسل ساقي
............وموصد ابوابه عن كل اللي حواليك
انا شفتك امل بكرا وشمسٍ لآشراقي
............وانا شفت رمش عيني ملّحفك ومغطيك
وشفت حضني لامك ومحوطك كما الواقي
............وضامك باقصايي مابين هذي وهذيك
رميت عقلي ورى ظهري وصار قلبي سواقي
..........وكل مابغيت شوفك أعمل خطط وتكاتيك
اسمح لي انا بشكي قلبك صار بواقي
............سرق قلبي سرق لبي وانا كلي ابشكيك
وبطيحك بتهمة البوقه وثاني شي احراقي
............بنار الحب ترى ماقوى ومع هذا مايكفيك
رسمتك رسمه بقلبي وعلقتك صورة باحداقي
............اجيها كل ماحنيت واسولف كني محاكيك
ترى قلبي ماكذب وذا قولي مصداقي
............وترى كل شي فيني حبك ويغليك
واسمع قولي الآخر إللي خارج من اعماقي
............أنا احبك انا اودك أنا بروحي افديك
أنت الباقي بقلبي والباقي والباقي
............ودايمٍ ع بالي مافيها كلام أو تشكيك...
/
\
الإثنين يوليو 07, 2008 12:37 am